Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Ph.d. Stipendiat i fiskehelse/fiskeimmunologi
Ved Institutt for biovitskap er det ledig ei stilling som ph.d.-stipendiat i Fiskehelse/fiskeimmunologi. Stillinga er for ein åremålsperiode på tre år, med høve til eit fjerde år beståande av pliktarbeid (til dømes undervisning). Stillinga er knytt til faggruppe Fiskehelse (forskningsgruppe fiskeimmunologi) og er finansiert av Universitet i Bergen.
Om prosjektet/arbeidsoppgåver:
Prosjektet omhandlar aktuelle intracellulære bakterieinfeksjonar hos laksefisk som kan forårsake alvorlege infeksjonssjukdommar. Infeksjonane er problematisk å behandle med antibiotika og det er ei utfordring å utvikle effektive profylaktiske tiltak. Prosjektet vil omfatte studiar av interaksjonar mellom bakterien og fiskens immunsystem, særleg med vekt på intracellulær overleving og immunprofylakse. Ulike metodar som til dømes in vitro smitte av leukocyttar, immunmerking, flow cytometry, konfokal mikroskopi, qPCR og mRNA transfeksjon av leukocyttar vil nyttast i dette studiet.
Kvalifikasjonar og eigenskapar:
Søkjarar må ha oppnådd mastergrad eller tilsvarande utdanning i fiskehelse eller molekylærbiologi innan immunologi. Det er ein føresetnad at mastergraden er oppnådd før tilsetjing kan skje.
Erfaring frå eller kompetanse innan fiskeimmunologi er eit krav.
Erfaring frå eller kompetanse innan molekylærbiologiske metodar er eit krav.
Erfaring frå eller kompetanse innen cellelinjer og transfeksjon er ein føremon
Erfaring frå eller kompetanse innan mRNA teknologi er ein føremon.
Erfaring frå eller kompetanse innan flow cytometry er ein føremon.
Søkjarar må kunne arbeide sjølvstendig og strukturert og ha gode samarbeidsevner.
Søkjarar må ha gode skriftlege og munnlege engelskkunnskapar.
Søkjarar må ha gode norskkunnskapar.
Relevant metodisk erfaring vil bli lagt vekt på. Personlege og mellommenneskelege eigenskapar vil bli lagt vekt på. Ambisjonar og potensial vil også telje ved vurdering av kandidatane.
Særeigne krav for stillinga
UiB er underlagd regelverket for eksportkontroll og regelverket gjeld ved behandling av søknadar til stillinga.
For stillinga gjeldt følgande:
Samla stipendperiode er 3 år, med høve til eit 4. år beståande av pliktarbeid (til dømes undervisning) fordelt med 25 % over tilsetjingsperioden. Dette avheng av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing.
Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.
Om forskarutdanninga skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Det matematisk-naturvitskaplege fakultet er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.
Vi tilbyr:
Eit godt og fagleg stimulerande arbeidsmiljø.
Løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 532 200 (tilsvarande lønstrinn 54). Vidare opprykk skjer etter stillingsansiennitet.
Ei kort utgreiing om forskingsinteresser og motivasjonen for å søkje stillinga.
Namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve.
CV.
Karakterutskrifter og vitnemål for bachelor- og mastergrad. Dersom du enno ikkje har fullført mastergraden må du levere ei stadfesting på at mastergradsoppgåva er levert.
For HR-relaterte spørsmål ta kontakt med Rådgivar Therese Myhre Odfjell, therese.odfjell@uib.no.
Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
